tha ishq ya main waqai bimar paDa tha

thā 'ishq yā maiñ vāqa'ī bīmār paḌā thā

ab yaad nahīñ kaun sā āzār paḌā thā

sadiyāñ mujhe is ghar kī safā.ī meñ lagī haiñ

bekār ḳhudāoñ kā ik ambār paḌā thā

ik baar zarā bigḌī thī fir'aun kī hālat

aur ġham meñ jahāñ jo bhī thā bīmār paḌā thā

mushkil thā bahut ham se ḳharīdār kā milnā

yuuñ raah meñ bāzār kā bāzār paḌā thā

par ham ne qasam khaa.ī thī 'ibrat nahīñ lenī

aḳhbār ke andar bhī ik aḳhbār paḌā thā

vo ḳhush-badan ik din bhī 'ayādat ko na aayā

maiñ ruuh meñ apnī kahīñ bīmār paḌā thā

tha 'ishq ya main waqa'i bimar paDa tha

ab yaad nahin kaun sa aazar paDa tha

sadiyan mujhe is ghar ki safai mein lagi hain

bekar KHudaon ka ek ambar paDa tha

ek bar zara bigDi thi fir'aun ki haalat

aur gham mein jahan jo bhi tha bimar paDa tha

mushkil tha bahut hum se KHaridar ka milna

yun rah mein bazar ka bazar paDa tha

par hum ne qasam khai thi 'ibrat nahin leni

aKHbar ke andar bhi ek aKHbar paDa tha

wo KHush-badan ek din bhi 'ayaadat ko na aaya

main ruh mein apni kahin bimar paDa tha