tha nigahon mein basaya jaane kis taswir ko
tha nigahon mein basaya jaane kis taswir ko
Rizwanur Raza Rizwan
MORE BYRizwanur Raza Rizwan
thā nigāhoñ meñ basāyā jaane kis tasvīr ko
dekh kar hairān haiñ ab ḳhvāb kī ta.abīr ko
us ne dil kī dhaḌkaneñ sun kar shab-e-tārīk meñ
kar liyā mahsūs mere nāla-e-shab-gīr ko
kaisā qātil thā mirā shauq-e-shahādat dekh kar
rakh diyā zālim ne apne haath se shamshīr ko
daf.atan ḳhud us kā chehra bhī kitābī ho gayā
mere ruḳh par paḌh liyā hai jaane kis tahrīr ko
dasht-o-sahrā se guzarne kā hunar ma.alūm hai
kaaT de koī hamāre paañv kī zanjīr ko
maiñ ne maanā khel sab taqdīr hī kā hai magar
har ghaḌī 'rizvān' rakh pesh-e-nazar tadbīr ko
tha nigahon mein basaya jaane kis taswir ko
dekh kar hairan hain ab KHwab ki tabir ko
us ne dil ki dhaDkanen sun kar shab-e-tarik mein
kar liya mahsus mere nala-e-shab-gir ko
kaisa qatil tha mera shauq-e-shahadat dekh kar
rakh diya zalim ne apne hath se shamshir ko
dafatan KHud us ka chehra bhi kitabi ho gaya
mere ruKH par paDh liya hai jaane kis tahrir ko
dasht-o-sahra se guzarne ka hunar malum hai
kaT de koi hamare panw ki zanjir ko
main ne mana khel sab taqdir hi ka hai magar
har ghaDi 'rizwan' rakh pesh-e-nazar tadbir ko
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
