tha pahla safar uski rifaqat bhi nai thi

thā pahlā safar us kī rifāqat bhī na.ī thī

raste bhī kaThin aur masāfat bhī na.ī thī

dil thā ki kisī taur bhī qaabū meñ nahīñ thā

rah rah ke dhaḌakne kī alāmat bhī na.ī thī

jab us ne kahā thā ki mujhe ishq hai tum se

āñkhoñ meñ jo aa.ī thī vo hairat bhī na.ī thī

sadiyoñ ke ta.alluq kā gumāñ hone lagā thā

jab ki mirī us shaḳhs se nisbat bhī na.ī thī

vāqif bhī nahīñ thā maiñ kisī sūd-o-ziyāñ se

us ishq ke saude meñ shirākat bhī na.ī thī

ḳhvāboñ ke bikhar jaane kā dhaḌkā bhī lagā thā

be-dārī-e-shab kī mujhe aadat bhī na.ī thī

ta.abīr kahāñ DhūñDne jātīñ mirī āñkheñ

un ko to kisī ḳhvāb kī zahmat bhī na.ī thī

dil vāqif-e-ādāb-e-mohabbat bhī nahīñ thā

duniyā ke rivājoñ se baġhāvat bhī na.ī thī

phir maiñ ki kisī nashe kā aadī bhī nahīñ thā

aur mere liye vasl kī lazzat bhī na.ī thī

yuuñ kār-e-junūñ karnā ḳhirad-mandoñ meñ rah kar

jo Daalī thī tum ne vo rivāyat bhī na.ī thī

tha pahla safar us ki rifaqat bhi nai thi

raste bhi kaThin aur masafat bhi nai thi

dil tha ki kisi taur bhi qabu mein nahin tha

rah rah ke dhaDakne ki alamat bhi nai thi

jab us ne kaha tha ki mujhe ishq hai tum se

aankhon mein jo aai thi wo hairat bhi nai thi

sadiyon ke talluq ka guman hone laga tha

jab ki meri us shaKHs se nisbat bhi nai thi

waqif bhi nahin tha main kisi sud-o-ziyan se

us ishq ke saude mein shirakat bhi nai thi

KHwabon ke bikhar jaane ka dhaDka bhi laga tha

be-dari-e-shab ki mujhe aadat bhi nai thi

tabir kahan DhunDne jatin meri aankhen

un ko to kisi KHwab ki zahmat bhi nai thi

dil waqif-e-adab-e-mohabbat bhi nahin tha

duniya ke riwajon se baghawat bhi nai thi

phir main ki kisi nashe ka aadi bhi nahin tha

aur mere liye wasl ki lazzat bhi nai thi

yun kar-e-junun karna KHirad-mandon mein rah kar

jo Dali thi tum ne wo riwayat bhi nai thi