tha us ka jaisa amal wo hi yar main bhi karun

thā us kā jaisā 'amal vo hī yaar maiñ bhī karūñ

ridā-e-vaqt ko kyā dāġh-dār meñ bhī karūñ

mu'āf mujh ko na karnā kisī bhī sūrat se

zamāne tujh ko agar ashk-bār maiñ bhī karūñ

mile jo mujh ko bhī fursat ġham-e-zamāna se

kisī ke sāmne zikr-e-bahār maiñ bhī karūñ

jo Daale rahte haiñ chehroñ pe maslahat kī naqāb

kyā aise logoñ meñ terā shumār maiñ bhī karūñ

ḳhudā kare ki tujhe vo maqām bhī ho nasīb

jahāñ pahuñch ke tirā e'tibār meñ bhī karūñ

salīqa mujh ko jo aa jaa.e sher kahne kā

ki ġhazal-e-'mīr' se naqsh-o-nigār maiñ bhī karūñ

tha us ka jaisa 'amal wo hi yar main bhi karun

rida-e-waqt ko kya dagh-dar mein bhi karun

mu'af mujh ko na karna kisi bhi surat se

zamane tujh ko agar ashk-bar main bhi karun

mile jo mujh ko bhi fursat gham-e-zamana se

kisi ke samne zikr-e-bahaar main bhi karun

jo Dale rahte hain chehron pe maslahat ki naqab

kya aise logon mein tera shumar main bhi karun

KHuda kare ki tujhe wo maqam bhi ho nasib

jahan pahunch ke tera e'tibar mein bhi karun

saliqa mujh ko jo aa jae sher kahne ka

ki ghazal-e-'mir' se naqsh-o-nigar main bhi karun