Thahar gae hain kai jugnu jagmagate hue

Thahar ga.e haiñ ka.ī jugnū jagmagāte hue

kisī ne dekhā hameñ aise muskurāte hue

maiñ chāhtā huuñ ki vo bhī ḳhushī meñ shāmil ho

so rone lagtā huuñ aksar ḳhushī manāte hue

'ajīb ḳhauf añdhere kā mujh ko thā us raat

pasīne aa ga.e mujh ko diyā bujhāte hue

hameñ bhī jaise achānak hī ghar kī yaad aa.ī

parinde shaam ko jab guzre chahchahāte hue

vo ek rut kā musāfir thā rokte bhī kyā

ham us ko dekh hī sakte the duur jaate hue

nigāh-e-lams se ab us ko dekhnā thā hameñ

so aañkh muuñd lī us ke qarīb jaate hue

phir uñgliyoñ se mirī risne lag gayā paanī

safed kāġhazoñ par machhliyāñ banāte hue

Thahar gae hain kai jugnu jagmagate hue

kisi ne dekha hamein aise muskuraate hue

main chahta hun ki wo bhi KHushi mein shamil ho

so rone lagta hun aksar KHushi manate hue

'ajib KHauf andhere ka mujh ko tha us raat

pasine aa gae mujh ko diya bujhate hue

hamein bhi jaise achanak hi ghar ki yaad aai

parinde sham ko jab guzre chahchahate hue

wo ek rut ka musafir tha rokte bhi kya

hum us ko dekh hi sakte the dur jate hue

nigah-e-lams se ab us ko dekhna tha hamein

so aankh mund li us ke qarib jate hue

phir ungliyon se meri risne lag gaya pani

safed kaghazon par machhliyan banate hue