Thahre bhi nahin hain kahin chalte bhi nahin hain
Thahre bhī nahīñ haiñ kahīñ chalte bhī nahīñ haiñ
ham jism kī sarhad se nikalte bhī nahīñ haiñ
ḳhud se mileñge soch ke ghar se haiñ nikalte
lekin kamāl ye hai ki milte bhī nahīñ haiñ
palkoñ ke kināroñ pe haiñ bechain se aañsū
girte bhī nahīñ aur sambhalte bhī nahīñ haiñ
āñkhoñ kī ye sāzish hai yā nīñdoñ kī baġhāvat
bachchoñ kī tarah ḳhvāb jo palte bhī nahīñ haiñ
ik rañg hī is ziist ko kaafī hai 'sachin' bas
mausam kī tarah rañg badalte bhī nahīñ haiñ
Thahre bhi nahin hain kahin chalte bhi nahin hain
hum jism ki sarhad se nikalte bhi nahin hain
KHud se milenge soch ke ghar se hain nikalte
lekin kamal ye hai ki milte bhi nahin hain
palkon ke kinaron pe hain bechain se aansu
girte bhi nahin aur sambhalte bhi nahin hain
aankhon ki ye sazish hai ya nindon ki baghawat
bachchon ki tarah KHwab jo palte bhi nahin hain
ek rang hi is zist ko kafi hai 'sachin' bas
mausam ki tarah rang badalte bhi nahin hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
