Thahrega wahi ran mein jo himmat ka dhani hai

Thahregā vahī ran meñ jo himmat kā dhanī hai

ye ma.arka-e-ḳhud-garī-o-ḳhud-shikanī hai

ho ḳhair ki ai azmat-e-yazdāñ tirī ḳhātir

insān azal se hadaf-e-ahramanī hai

tevar hī mire bhāñp liye logoñ ne varna

duniyā meñ banā.e se kahāñ baat banī hai

pahuñcheñge tirī bazm-e-dil-ārā meñ bhī ik roz

tārīk ḳhalāoñ meñ abhī ḳhema-zanī hai

Dartā huuñ ki chupke se utar jaa.e na dil meñ

ye lamha-e-betāb ki neze kī anī hai

ai ahl-e-junūñ duur nahīñ manzil-e-shīrīñ

haañ biich meñ ik marhala-e-koh-kanī hai

minjumla-e-taqsīr na ho ye bhī ki 'hurmat'

muddat huī be-vaj.h zamāne se Thanī hai

Thahrega wahi ran mein jo himmat ka dhani hai

ye marka-e-KHud-gari-o-KHud-shikani hai

ho KHair ki ai azmat-e-yazdan teri KHatir

insan azal se hadaf-e-ahramani hai

tewar hi mere bhanp liye logon ne warna

duniya mein banae se kahan baat bani hai

pahunchenge teri bazm-e-dil-ara mein bhi ek roz

tarik KHalaon mein abhi KHema-zani hai

Darta hun ki chupke se utar jae na dil mein

ye lamha-e-betab ki neze ki ani hai

ai ahl-e-junun dur nahin manzil-e-shirin

han bich mein ek marhala-e-koh-kani hai

minjumla-e-taqsir na ho ye bhi ki 'hurmat'

muddat hui be-wajh zamane se Thani hai