thake to aise thake pahli raat taqriban

thake to aise thake pahlī raat taqrīban

ḳhudā.ī kar ga.e mehñdī ke haath taqrīban

hamāre bas meñ use de ke yuuñ lagā jaise

ḳhudā ne sauñp dī thī kā.enāt taqrīban

na koī jhoñk na jhapkī hī aañkh meñ aa.ī

guzar chalī thī guzarne kī raat taqrīban

har ik maqām par apnā hī sāmnā ḳhud se

harīf ban ga.ī apnī hī zaat taqrīban

qadam qadam pe zamāne ke kaam yuuñ aa.e

Dubo ga.iiñ hameñ apnī sifāt taqrīban

ka.ī hazār shagūfe khilā ga.ī dil meñ

jo zer-e-lab hī kahī ek baat taqrīban

vahīñ pe chhūT gayā apnā saath bhī ham se

jahāñ par aa ke chhuTā un kā haath taqrīban

thake to aise thake pahli raat taqriban

KHudai kar gae mehndi ke hath taqriban

hamare bas mein use de ke yun laga jaise

KHuda ne saunp di thi kaenat taqriban

na koi jhonk na jhapki hi aankh mein aai

guzar chali thi guzarne ki raat taqriban

har ek maqam par apna hi samna KHud se

harif ban gai apni hi zat taqriban

qadam qadam pe zamane ke kaam yun aae

Dubo gain hamein apni sifat taqriban

kai hazar shagufe khila gai dil mein

jo zer-e-lab hi kahi ek baat taqriban

wahin pe chhuT gaya apna sath bhi hum se

jahan par aa ke chhuTa un ka hath taqriban