thake to qafila wapas gharon ko moD liya

thake to qāfila vāpas gharoñ ko moḌ liyā

safar se toḌ ke naata shajar se joḌ liyā

kabhī jo roknā chāhī zamīn kī gardish

tirī kalā.ī ko ham ne zarā maroḌ liyā

ġhubār jo mire pīchhe thakā thakā sā uThā

samajh rahā thā ki maiñ ne ziyāda dauḌ liyā

galī meñ chalte hue khīñch lī tirī tasvīr

guzarne vaale ne pattā shajar se toḌ liyā

phaTe libās meñ kuchh 'aib baḌh ga.e mere

phir āsmān hī apne badan pe oḌh liyā

zarā sahar kā alāram jo der se bolā

qarīb soī huī sub.h ko jhiñjhoḌ liyā

ye aañkh ḳhvāb se ḳhālī nahīñ huī 'hāris'

Tapakte dāman-e-tar ko baḌā nichoḌ liyā

thake to qafila wapas gharon ko moD liya

safar se toD ke nata shajar se joD liya

kabhi jo rokna chahi zamin ki gardish

teri kalai ko hum ne zara maroD liya

ghubar jo mere pichhe thaka thaka sa uTha

samajh raha tha ki main ne ziyaada dauD liya

gali mein chalte hue khinch li teri taswir

guzarne wale ne patta shajar se toD liya

phaTe libas mein kuchh 'aib baDh gae mere

phir aasman hi apne badan pe oDh liya

zara sahar ka alaram jo der se bola

qarib soi hui subh ko jhinjhoD liya

ye aankh KHwab se KHali nahin hui 'haaris'

Tapakte daman-e-tar ko baDa nichoD liya