tham gae ashk bhi barse hue baadal ki tarah

tham ga.e ashk bhī barse hue bādal kī tarah

dil kī betābī vahī aaj bhī hai kal kī tarah

maiñ bhī huuñ ashk-fishāñ aap akele hī nahīñ

merā dāman bhī hai nam aap ke āñchal kī tarah

jām-o-sāġhar hī pe mauqūf nahīñ hai saaqī

ham bhī gardish meñ haiñ ik daur-e-musalsal kī tarah

intizār-e-shab-e-va.ada kī na pūchho rūdād

raat āñkhoñ meñ kaTī hai kisī bekal kī tarah

kisī ummīd kā maskan na tamannā kā mahal

dil kī vīrānī hai sunsān se jañgal kī tarah

aap jal jaa.e magar auroñ ko mahzūz kare

zindagī tum bhī guzāro yuuñ hī sandal kī tarah

tere jalne se agar tīrgī kam ho ai dil

tū bhī jal jā kisī jaltī huī mash.al kī tarah

lāsheñ bikhrī haiñ tamannāoñ kī armānoñ kī

qalb kā ganj-e-shahīdāñ bhī hai maqtal kī tarah

tham gae ashk bhi barse hue baadal ki tarah

dil ki betabi wahi aaj bhi hai kal ki tarah

main bhi hun ashk-fishan aap akele hi nahin

mera daman bhi hai nam aap ke aanchal ki tarah

jam-o-saghar hi pe mauquf nahin hai saqi

hum bhi gardish mein hain ek daur-e-musalsal ki tarah

intizar-e-shab-e-wada ki na puchho rudad

raat aankhon mein kaTi hai kisi bekal ki tarah

kisi ummid ka maskan na tamanna ka mahal

dil ki virani hai sunsan se jangal ki tarah

aap jal jae magar auron ko mahzuz kare

zindagi tum bhi guzaro yun hi sandal ki tarah

tere jalne se agar tirgi kam ho ai dil

tu bhi jal ja kisi jalti hui mashal ki tarah

lashen bikhri hain tamannaon ki armanon ki

qalb ka ganj-e-shahidan bhi hai maqtal ki tarah