the hisar-e-shahr mein to baam-o-dar achchhe lage

the hisār-e-shahr meñ to bām-o-dar achchhe lage

aur vīrāne meñ jab aa.e khañDar achchhe lage

pattharoñ kā Dher hī goyā muqaddar ban gayā

mere āñgan ke daraḳhtoñ meñ samar achchhe lage

fikr merī dā.era-dar-dā.era baTtī ga.ī

shauq se pairoñ ne jo paa.e bhañvar achchhe lage

kaun aisā din huā maqtal kī rut murjhā ga.ī

kab huā aisā hameñ kāñdhoñ pe sar achchhe lage

apne gird-o-pesh ko dekhā magar dil ne kahā

āsmāñ tujh ko bhī kyā kyā be-hunar achchhe lage

gosha-e-ḳhāna milā to soch āvāra huī

rāste be-samt the lekin safar achchhe lage

muflisoñ ko vo to naqsh-e-be-hunar samjhā magar

jab adad ke sāmne aa.e sifar achchhe lage

the hisar-e-shahr mein to baam-o-dar achchhe lage

aur virane mein jab aae khanDar achchhe lage

pattharon ka Dher hi goya muqaddar ban gaya

mere aangan ke daraKHton mein samar achchhe lage

fikr meri daera-dar-daera baTti gai

shauq se pairon ne jo pae bhanwar achchhe lage

kaun aisa din hua maqtal ki rut murjha gai

kab hua aisa hamein kandhon pe sar achchhe lage

apne gird-o-pesh ko dekha magar dil ne kaha

aasman tujh ko bhi kya kya be-hunar achchhe lage

gosha-e-KHana mila to soch aawara hui

raste be-samt the lekin safar achchhe lage

muflison ko wo to naqsh-e-be-hunar samjha magar

jab adad ke samne aae sifar achchhe lage