the nigahon mein jin raston ke shajar aur the

the nigāhoñ meñ jin rāstoñ ke shajar aur the

dil-musāfir ko dar-pesh the jo safar aur the

bas rahā thā mirī soch ke āsmānoñ pe jo

aur hī shahr thā us ke sab bām-o-dar aur the

vo jo chehroñ pe likkhā huā ḳhauf thā aur thā

vo jo sapnoñ ke andar panapte the Dar aur the

sab jabīneñ vahāñ thiiñ zamīñ-bosiyoñ meñ magan

kaT ke kuchh aur uupar uThe the jo sar aur the

shauq tuġhyāniyoñ meñ bhī sañbhāle rahīñ dhaḌkaneñ

Duub kar jin meñ ubhrā na dil vo bhañvar aur the

un zamānoñ bhī apne qalam kī zabāñ thī yahī

lafz jab shahr-e-tahrīr meñ mo'atabar aur the

the nigahon mein jin raston ke shajar aur the

dil-musafir ko dar-pesh the jo safar aur the

bas raha tha meri soch ke aasmanon pe jo

aur hi shahr tha us ke sab baam-o-dar aur the

wo jo chehron pe likkha hua KHauf tha aur tha

wo jo sapnon ke andar panapte the Dar aur the

sab jabinen wahan thin zamin-bosiyon mein magan

kaT ke kuchh aur upar uThe the jo sar aur the

shauq tughyaniyon mein bhi sanbhaale rahin dhaDkanen

Dub kar jin mein ubhra na dil wo bhanwar aur the

un zamanon bhi apne qalam ki zaban thi yahi

lafz jab shahr-e-tahrir mein mo'atabar aur the