thi KHwab mein bhi jalwa-numai tamam raat

thī ḳhvāb meñ bhī jalva-numā.ī tamām raat

niiñd aa.ī bhī to niiñd na aa.ī tamām raat

samjhā na dil ne ahd-shikan tujh ko tā-sahar

kartā rahā adū kī burā.ī tamām raat

tum se to ḳhair va.ada-ḳhilāfī huī huī

kam-baḳht maut bhī to na aa.ī tamām raat

hichkī batā rahī thī ki us bevafā ko bhī

merī hī tarah niiñd na aa.ī tamām raat

ḳhalvat-gah-e-talab meñ ujālā na ho sakā

lau shama-e-ārzū kī baḌhā.ī tamām raat

jab ho sakā na koī mudāvā-e-soz-e-ishq

ashkoñ ne ġham kī aag bujhā.ī tamām raat

rah rah ke dard uThtā rahā aur chashm-e-shauq

apne hī āñsuoñ meñ nahā.ī tamām raat

'ahmar' milā thā jis se hameñ dard-e-āshiqī

dete rahe usī kī duhā.ī tamām raat

thi KHwab mein bhi jalwa-numai tamam raat

nind aai bhi to nind na aai tamam raat

samjha na dil ne ahd-shikan tujh ko ta-sahar

karta raha adu ki burai tamam raat

tum se to KHair wada-KHilafi hui hui

kam-baKHt maut bhi to na aai tamam raat

hichki bata rahi thi ki us bewafa ko bhi

meri hi tarah nind na aai tamam raat

KHalwat-gah-e-talab mein ujala na ho saka

lau shama-e-arzu ki baDhai tamam raat

jab ho saka na koi mudawa-e-soz-e-ishq

ashkon ne gham ki aag bujhai tamam raat

rah rah ke dard uThta raha aur chashm-e-shauq

apne hi aansuon mein nahai tamam raat

'ahmar' mila tha jis se hamein dard-e-ashiqi

dete rahe usi ki duhai tamam raat