Thik hai ki ye jahan muddat se uryani pe tha

Thiik hai ki ye jahāñ muddat se uryānī pe thā

par kise yuuñ naaz kal tak chāk-dāmānī pe thā

tīrgī-e-āb-o-gil ne dhyān toḌā yak-ba-yak

varna kal shab chāñd apnī puurī tābānī pe thā

Duub kar aise taḳhayyul meñ khulā vo māh-rū

gāhe-gāhe ik shikan us ḳhanda-peshānī pe thā

sab zuhūr-e-ibn-e-mariyam kī duā karte rahe

dhyān un sab kā magar taḳht-e-sulaimānī pe thā

ham hujūm-e-dahr meñ hote haiñ aise āj-kal

jaise yūsuf bhā.iyoñ meñ chāh-e-kan.ānī pe thā

Thik hai ki ye jahan muddat se uryani pe tha

par kise yun naz kal tak chaak-damani pe tha

tirgi-e-ab-o-gil ne dhyan toDa yak-ba-yak

warna kal shab chand apni puri tabani pe tha

Dub kar aise taKHayyul mein khula wo mah-ru

gahe-gahe ek shikan us KHanda-peshani pe tha

sab zuhur-e-ibn-e-mariyam ki dua karte rahe

dhyan un sab ka magar taKHt-e-sulaimani pe tha

hum hujum-e-dahr mein hote hain aise aaj-kal

jaise yusuf bhaiyon mein chah-e-kanani pe tha