Thik hai mujhse na kar baat tu ja ja ja ja

Thiik hai mujh se na kar baat tū jā jā jā jā

ab na kar mujh se mulāqāt tū jā jā jā jā

jaane vaale maiñ tujhe rok sakūñgā kaise

kaT hī jā.egī mirī raat tū jā jā jā jā

dil meñ ab koī mohabbat nahīñ baaqī mere

kah gayā chhoḌ ke vo saath tū jā jā jā jā

mil hī jā.egā tire baad sahārā koī

ab na kar mujh pe ināyāt tū jā jā jā jā

ye jo tārīkī hai hamrāz bhī ho saktī hai

mujh ko mat de koī ḳhairāt tū jā jā jā jā

dhajjiyāñ aisī uḌā dard kī mere jānāñ

ho mirī aañkh se barsāt tū jā jā jā jā

ho ke bezār 'hirā' dil ne bhī chupkī dhar lī

ishq kī mere huī maat tū jā jā jā jā

Thik hai mujh se na kar baat tu ja ja ja ja

ab na kar mujh se mulaqat tu ja ja ja ja

jaane wale main tujhe rok sakunga kaise

kaT hi jaegi meri raat tu ja ja ja ja

dil mein ab koi mohabbat nahin baqi mere

kah gaya chhoD ke wo sath tu ja ja ja ja

mil hi jaega tere baad sahaara koi

ab na kar mujh pe inayat tu ja ja ja ja

ye jo tariki hai hamraaz bhi ho sakti hai

mujh ko mat de koi KHairaat tu ja ja ja ja

dhajjiyan aisi uDa dard ki mere jaanan

ho meri aankh se barsat tu ja ja ja ja

ho ke bezar 'hira' dil ne bhi chupki dhar li

ishq ki mere hui mat tu ja ja ja ja