thin ghazal si aankhen morni si laDki thi

thiiñ ġhazāl sī āñkheñ mornī sī laḌkī thī

ḳhushbūoñ kī saudā.ī sandalī sī laḌkī thī

dil ke sehn-e-gulshan meñ ik kalī sī laḌkī thī

par zarā sī nādāñ thī bāvlī sī laḌkī thī

chāñd maiñ kahūñ us ko yā ke chāñdnī kah duuñ

ḳhvāb meñ jo aatī thī chāñdnī sī laḌkī thī

phuul bhī kahūñ us ko raushnī bhī likh duuñ maiñ

pankhuḌī sī laḌkī thī phuljhaḌī sī laḌkī thī

paas se vo guzrī to dil hī le ga.ī merā

mujh ko kar ga.ī pāgal sāñvlī sī laḌkī thī

tiir us ne nazroñ ke aise mujh pe pheñke ki

kar ga.ī mujhe ghāyal vo chhurī sī laḌkī thī

chāshnī sī ghultī thī jab vo gungunātī thī

rāgnī sī laḌkī thī bāñsurī sī laḌkī thī

us ko dekhā mahfil meñ aur dil hī de baiThā

phir nazar na aa.ī vo ajnabī sī laḌkī thī

jā rahā thā raste se to mujhe nazar aa.ī

haal maiñ ne pūchhā vo ik Darī sī laḌkī thī

vo zarā sī naT-khaT thī ḳhuub tang kartī thī

man-chalī sī laḌkī thī chulbulī sī laḌkī thī

ḳhuub ġhazleñ likhte ho us ke baare meñ 'ātif'

kyā koī parī thī vo yā parī sī laḌkī thī

thin ghazal si aankhen morni si laDki thi

KHushbuon ki saudai sandali si laDki thi

dil ke sehn-e-gulshan mein ek kali si laDki thi

par zara si nadan thi bawli si laDki thi

chand main kahun us ko ya ke chandni kah dun

KHwab mein jo aati thi chandni si laDki thi

phul bhi kahun us ko raushni bhi likh dun main

pankhuDi si laDki thi phuljhaDi si laDki thi

pas se wo guzri to dil hi le gai mera

mujh ko kar gai pagal sanwli si laDki thi

tir us ne nazron ke aise mujh pe phenke ki

kar gai mujhe ghayal wo chhuri si laDki thi

chashni si ghulti thi jab wo gungunati thi

ragni si laDki thi bansuri si laDki thi

us ko dekha mahfil mein aur dil hi de baiTha

phir nazar na aai wo ajnabi si laDki thi

ja raha tha raste se to mujhe nazar aai

haal main ne puchha wo ek Dari si laDki thi

wo zara si naT-khaT thi KHub tang karti thi

man-chali si laDki thi chulbuli si laDki thi

KHub ghazlen likhte ho us ke bare mein 'atif'

kya koi pari thi wo ya pari si laDki thi