thin hawaen tund kitni mujhko andaza na tha

thiiñ havā.eñ tund kitnī mujh ko andāza na thā

kyūñki jis kamre meñ maiñ thā us meñ darvāza na thā

vaqt badlā to sabhī sāthī bichhaḌ kar rah ga.e

saath tum bhī chhoḌ doge is kā andāza na thā

ḳhuun dāman par na thā go dard thā be-intihā

kyūñki dil kā zaḳhm gahrā thā magar taaza na thā

kis meñ himmat hai jo mere hausloñ ko toḌtā

ye bikhar jaatā ġhamoñ se aisā shīrāza na thā

daur-e-hāzir kī ye dul.han kis tarah lagtī hasīn

jab ki chehre par hayā aur sharm kā ġhāza na thā

har koī bantā hai 'ġhālib' 'mīr' 'momin' aur 'jigar'

jab sunā ham ne to koī sher bhī taaza na thā

vo vafāoñ kā jafāoñ se sila dete rahe

kyā 'mayank' un kī mohabbat kā ye ḳhamyāza na thā

thin hawaen tund kitni mujh ko andaza na tha

kyunki jis kamre mein main tha us mein darwaza na tha

waqt badla to sabhi sathi bichhaD kar rah gae

sath tum bhi chhoD doge is ka andaza na tha

KHun daman par na tha go dard tha be-intiha

kyunki dil ka zaKHm gahra tha magar taza na tha

kis mein himmat hai jo mere hauslon ko toDta

ye bikhar jata ghamon se aisa shiraaza na tha

daur-e-hazir ki ye dulhan kis tarah lagti hasin

jab ki chehre par haya aur sharm ka ghaza na tha

har koi banta hai 'ghaalib' 'mir' 'momin' aur 'jigar'

jab suna hum ne to koi sher bhi taza na tha

wo wafaon ka jafaon se sila dete rahe

kya 'mayank' un ki mohabbat ka ye KHamyaza na tha