thin ek sukut se zahir mohabbaten apni

thiiñ ik sukūt se zāhir mohabbateñ apnī

ab āñsuoñ ne bhī baḳhsheñ ināyateñ apnī

ki barg-hā-e-ḳhizāñ dāda-jūñ uḌaa.e hue

kashāñ kashāñ liye phirtī haiñ vahshateñ apnī

sabhī ko shak hai ki ḳhud ham meñ bevafā.ī hai

kahāñ kahāñ na huī haiñ shikāyateñ apnī

chale jahāñ se the ab aao lauT jaa.eñ vahīñ

nikālīñ rāhoñ ne ham se adāvateñ apnī

kuchh aur kar degī bojhal fazā ko ḳhāmoshī

chalo ki shor machā.eñ sharārteñ apnī

hamārā jo bhī ta.alluq thā us ke dam se thā

lo aaj ḳhatm huiiñ sab riqābateñ apnī

thin ek sukut se zahir mohabbaten apni

ab aansuon ne bhi baKHshen inayaten apni

ki barg-ha-e-KHizan dada-jun uDae hue

kashan kashan liye phirti hain wahshaten apni

sabhi ko shak hai ki KHud hum mein bewafai hai

kahan kahan na hui hain shikayaten apni

chale jahan se the ab aao lauT jaen wahin

nikalin rahon ne hum se adawaten apni

kuchh aur kar degi bojhal faza ko KHamoshi

chalo ki shor machaen shararten apni

hamara jo bhi talluq tha us ke dam se tha

lo aaj KHatm huin sab riqabaten apni