thin zaminen gum-shuda aur aasman milta na tha

thiiñ zamīneñ gum-shuda aur āsmāñ miltā na thā

sar pe sūraj thā mire par sā.ebāñ miltā na thā

be-natīja hī rahī hai har safar kī justujū

DhūñDne nikle the jis ko vo jahāñ miltā na thā

manzileñ āsān thiiñ aur rāste maḳhdūsh the

kashtiyāñ maujūd thiiñ par bādbāñ miltā na thā

ghoñsle ḳhālī paḌe haiñ aur vahīñ par aas paas

kuchh parinde the ki jin ko āshiyāñ miltā na thā

gardish-e-daurāñ mujhe phir ab vahīñ le aa.ī hai

shahr jo merā thā lekin ham-zabāñ miltā na thā

thin zaminen gum-shuda aur aasman milta na tha

sar pe suraj tha mere par saeban milta na tha

be-natija hi rahi hai har safar ki justuju

DhunDne nikle the jis ko wo jahan milta na tha

manzilen aasan thin aur raste maKHdush the

kashtiyan maujud thin par baadban milta na tha

ghonsle KHali paDe hain aur wahin par aas pas

kuchh parinde the ki jin ko aashiyan milta na tha

gardish-e-dauran mujhe phir ab wahin le aai hai

shahr jo mera tha lekin ham-zaban milta na tha