thoDi si miTTi ki aur do bund pani ki kitab

thoḌī sī miTTī kī aur do buuñd paanī kī kitāb

ho agar bas meñ to likheñ zindagānī kī kitāb

ratjage tanhā.iyāñ paane kā kho dene kā zikr

lījiye paḌh lījiye merī javānī kī kitāb

kah rahī hai shahr kī barbādiyoñ kī dāstāñ

adh-jale kuchh kāġhazoñ meñ ik kahānī kī kitāb

zindagī bhar kufr ke fatvoñ kī zad meñ thā vo shaḳhs

mo'atabar Thahrī hai ab jis āñ-jahānī kī kitāb

vaqt ke zulmat-kade meñ hai bhalā kis ko davām

ab kahāñ se lā.ūñ maiñ terī nishānī kī kitāb

dekhiye jis ko liye phirtā hai 'anvar' dosh par

apnī nākāmī kisī kī kāmrānī kī kitāb

thoDi si miTTi ki aur do bund pani ki kitab

ho agar bas mein to likhen zindagani ki kitab

ratjage tanhaiyan pane ka kho dene ka zikr

lijiye paDh lijiye meri jawani ki kitab

kah rahi hai shahr ki barbaadiyon ki dastan

adh-jale kuchh kaghazon mein ek kahani ki kitab

zindagi bhar kufr ke fatwon ki zad mein tha wo shaKHs

mo'atabar Thahri hai ab jis aan-jahani ki kitab

waqt ke zulmat-kade mein hai bhala kis ko dawam

ab kahan se laun main teri nishani ki kitab

dekhiye jis ko liye phirta hai 'anwar' dosh par

apni nakaami kisi ki kaamrani ki kitab