tir jab apni kamanon se nikal jate hain

tiir jab apnī kamānoñ se nikal jaate haiñ

kuchh parinde bhī uḌānoñ se nikal jaate haiñ

jaane kis raah pe kuchh bhuuk se sahme bachche

raat ko apne makānoñ se nikal jaate haiñ

zarf kī baat na kar phuuT paḌeñ to laave

ḳhud pahāḌoñ ke dahānoñ se nikal jaate haiñ

ham bhī kyā log haiñ ik ghar ko banāne ke liye

kis qadar duur gharānoñ se nikal jaate haiñ

zabt miT jaa.e to alfāz baġhāvat ban kar

kitnī ḳhāmosh zabānoñ se nikal jaate haiñ

vo to hote haiñ faqat vaqt-guzārī ke liye

log jo yaad ke ḳhānoñ se nikal jaate haiñ

kitne nādān haiñ jo log nazar se gir kar

dil ke mahfūz ḳhazānoñ se nikal jaate haiñ

tir jab apni kamanon se nikal jate hain

kuchh parinde bhi uDanon se nikal jate hain

jaane kis rah pe kuchh bhuk se sahme bachche

raat ko apne makanon se nikal jate hain

zarf ki baat na kar phuT paDen to lawe

KHud pahaDon ke dahanon se nikal jate hain

hum bhi kya log hain ek ghar ko banane ke liye

kis qadar dur gharanon se nikal jate hain

zabt miT jae to alfaz baghawat ban kar

kitni KHamosh zabanon se nikal jate hain

wo to hote hain faqat waqt-guzari ke liye

log jo yaad ke KHanon se nikal jate hain

kitne nadan hain jo log nazar se gir kar

dil ke mahfuz KHazanon se nikal jate hain