tir ka Dar hai aur na KHanjar ka

tiir kā Dar hai aur na ḳhanjar kā

aadmī ho gayā hai patthar kā

jis ne nazroñ se kar diyā ghā.il

dil hai dīvāna us fusūñ-gar kā

dil ke zaḳhmoñ ko bhar gayā mere

hai bahut shukriya rafūgar kā

ik mohabbat kī ye mohabbat thī

ban gayā taaj sang-e-marmar kā

jis ko chāhā nahīñ milā ham ko

kis se shikva kareñ muqaddar kā

zindagī kitnī ḳhushnumā hogī

zulm kam ho agar sitamgar kā

mere dil ko sukūn mil jaa.e

saath terā mile jo pal-bhar kā

jaao jā kar pata karo ye 'taqī'

haal kaisā hai mere dilbar kā

tir ka Dar hai aur na KHanjar ka

aadmi ho gaya hai patthar ka

jis ne nazron se kar diya ghail

dil hai diwana us fusun-gar ka

dil ke zaKHmon ko bhar gaya mere

hai bahut shukriya rafugar ka

ek mohabbat ki ye mohabbat thi

ban gaya taj sang-e-marmar ka

jis ko chaha nahin mila hum ko

kis se shikwa karen muqaddar ka

zindagi kitni KHushnuma hogi

zulm kam ho agar sitamgar ka

mere dil ko sukun mil jae

sath tera mile jo pal-bhar ka

jao ja kar pata karo ye 'taqi'

haal kaisa hai mere dilbar ka