tir uske to nishanon se bahakte kam hain

tiir us ke to nishānoñ se bahakte kam haiñ

aur lagte haiñ jinheñ vo bhī sisakte kam haiñ

Tuut jaatī haiñ havāoñ meñ bhī shāḳheñ un kī

saḳht hote haiñ shajar jo vo lachakte kam haiñ

zāhirī husn-o-nazākat pe na jaao logo

phuul ḳhush-rang jo hote haiñ mahakte kam haiñ

shaam ko haare thake lauTte khetoñ se kisān

gaañv ko tez bhī chalte haiñ to thakte kam haiñ

adh-bhare jaam hī rakhte haiñ chhalakne kā hunar

jo huā karte haiñ labrez chhalakte kam haiñ

yuuñ to manzil pe pahuñch jaate haiñ sab hī lekin

rahnumā Thiik ho to log bhaTakte kam haiñ

tir us ke to nishanon se bahakte kam hain

aur lagte hain jinhen wo bhi sisakte kam hain

Tut jati hain hawaon mein bhi shaKHen un ki

saKHt hote hain shajar jo wo lachakte kam hain

zahiri husn-o-nazakat pe na jao logo

phul KHush-rang jo hote hain mahakte kam hain

sham ko haare thake lauTte kheton se kisan

ganw ko tez bhi chalte hain to thakte kam hain

adh-bhare jam hi rakhte hain chhalakne ka hunar

jo hua karte hain labrez chhalakte kam hain

yun to manzil pe pahunch jate hain sab hi lekin

rahnuma Thik ho to log bhaTakte kam hain