tirgi ki shiddat ko subh ka sitara likh

tīrgī kī shiddat ko sub.h kā sitārā likh

phailne hī vaalā hai har taraf ujālā likh

razm-e-gāh-e-hastī meñ yuuñ burā na soch apnā

dushmanoñ ke andar ke sulh jo ko achchhā likh

naqsh-e-pā ke jañgal meñ kyā shumār rastoñ kā

hai judā zamāne se lekin apnā rasta likh

be-hisī kā ye jaadū TuuT hī to jā.egā

is liye na qarye ko pattharoñ kā sahrā likh

is nagar ke logoñ ko pahle baḳhsh bīnā.ī

aur baa'd meñ ḳhud ko is nagar kā iisā likh

harf-e-zehn meñ 'bedī' rañg se tahī kab haiñ

sirf terā kāġhaz hai jo abhī hai saada likh

tirgi ki shiddat ko subh ka sitara likh

phailne hi wala hai har taraf ujala likh

razm-e-gah-e-hasti mein yun bura na soch apna

dushmanon ke andar ke sulh jo ko achchha likh

naqsh-e-pa ke jangal mein kya shumar raston ka

hai juda zamane se lekin apna rasta likh

be-hisi ka ye jadu TuT hi to jaega

is liye na qarye ko pattharon ka sahra likh

is nagar ke logon ko pahle baKHsh binai

aur ba'd mein KHud ko is nagar ka isa likh

harf-e-zehn mein 'bedi' rang se tahi kab hain

sirf tera kaghaz hai jo abhi hai sada likh