Tik ke baiThe kahan bezar-tabiat humse

Tik ke baiThe kahāñ bezār-tabī.at ham se

chhīn hī le na koī aa ke ye nemat ham se

bar-sar-e-ām ye kahte haiñ ki ham jhūTe haiñ

is bhare shahr meñ zinda hai sadāqat ham se

ham jo mazlūm haiñ ik tarah se zālim haiñ ham

har sitamgār ke baazū meñ hai tāqat ham se

dekh paa.e na to āñkheñ hī bujhā liiñ ham ne

aur kyā chāhtā hai lafz-e-sharāfat ham se

har ghaḌī sar ko hathelī pe sajā.e rakhnā

garmī-e-raunaq-e-bāzār halākat ham se

ya.anī qātil ke liye rahm kā jazba mafqūd

is se baḌh kar nahīñ ho saktī adāvat ham se

ham zamīñ-zād falak-zād nahīñ haiñ phir bhī

fan kī me'rāj pe hai lafz kī hurmat ham se

Tik ke baiThe kahan bezar-tabiat hum se

chhin hi le na koi aa ke ye nemat hum se

bar-sar-e-am ye kahte hain ki hum jhuTe hain

is bhare shahr mein zinda hai sadaqat hum se

hum jo mazlum hain ek tarah se zalim hain hum

har sitamgar ke bazu mein hai taqat hum se

dekh pae na to aankhen hi bujha lin hum ne

aur kya chahta hai lafz-e-sharafat hum se

har ghaDi sar ko hatheli pe sajae rakhna

garmi-e-raunaq-e-bazar halakat hum se

yani qatil ke liye rahm ka jazba mafqud

is se baDh kar nahin ho sakti adawat hum se

hum zamin-zad falak-zad nahin hain phir bhi

fan ki me'raj pe hai lafz ki hurmat hum se