TikTiki bandhe hue taswir-e-gham dekha kiye
TikTikī bāñdhe hue tasvīr-e-ġham dekhā kiye
luT ga.ī duniyā hamārī aur ham dekhā kiye
aur kyā karte batāo miil kā patthar the ham
rah-ravān-e-shauq ke naqsh-e-qadam dekhā kiye
ho ga.e barbād is kā ġham nahīñ hai dosto
ye shikāyat rah ga.ī ahl-e-karam dekhā kiye
dekh rishtoñ kī koī qīmat nahīñ mere 'azīz
ye tamāshe zindagī meñ har qadam dekhā kiye
bā-'amal jo log the vo manziloñ se jā lage
be-'amal to rāstoñ ke pech-o-ḳham dekhā kiye
TikTiki bandhe hue taswir-e-gham dekha kiye
luT gai duniya hamari aur hum dekha kiye
aur kya karte batao mil ka patthar the hum
rah-rawan-e-shauq ke naqsh-e-qadam dekha kiye
ho gae barbaad is ka gham nahin hai dosto
ye shikayat rah gai ahl-e-karam dekha kiye
dekh rishton ki koi qimat nahin mere 'aziz
ye tamashe zindagi mein har qadam dekha kiye
ba-'amal jo log the wo manzilon se ja lage
be-'amal to raston ke pech-o-KHam dekha kiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
