tilsim-e-shab se bahut be-KHabar chale aae

tilsim-e-shab se bahut be-ḳhabar chale aa.e

ye kyā ki shaam Dhale yaar ghar chale aa.e

kashish kuchh aisī thī miTTī kī baas meñ ham log

qazā kā daam bichhā thā magar chale aa.e

ajab hai kyā jo mile vo hameñ dobāra bhī

ham ek ḳhvāb meñ bār-e-digar chale aa.e

ḳhirām kartī havāoñ pe tairte nashshe

chalā vo shoḳh jidhar ko udhar chale aa.e

khulī jo aañkh to vīrān thā har ik manzar

Dhalī jo raat to kyā kyā na Dar chale aa.e

vo āhaTeñ bhī kahīñ kho ga.iiñ hamesha meñ

hamārī samt bhaTakte khañDar chale aa.e

ham ahl-e-shauq ko sahrā kī vus.atoñ meñ 'atā'

asiir karne ko dīvār-o-dar chale aa.e

tilsim-e-shab se bahut be-KHabar chale aae

ye kya ki sham Dhale yar ghar chale aae

kashish kuchh aisi thi miTTi ki bas mein hum log

qaza ka dam bichha tha magar chale aae

ajab hai kya jo mile wo hamein dobara bhi

hum ek KHwab mein bar-e-digar chale aae

KHiram karti hawaon pe tairte nashshe

chala wo shoKH jidhar ko udhar chale aae

khuli jo aankh to viran tha har ek manzar

Dhali jo raat to kya kya na Dar chale aae

wo aahaTen bhi kahin kho gain hamesha mein

hamari samt bhaTakte khanDar chale aae

hum ahl-e-shauq ko sahra ki wusaton mein 'ata'

asir karne ko diwar-o-dar chale aae