tera bimar aisa na-tawan hai

tirā bīmār aisā nā-tavāñ hai

ki tan meñ jaan bhī bār-e-garāñ hai

zi-bas hai josh-e-dāġh-o-bahr-e-girya

samundar aur machhlī to amaañ hai

girā degā tuḌā kar tausan-e-umr

yahī tār-e-nafas kī gar inaañ hai

varaq haiñ rashk-e-aurāq-e-gulistāñ

mirā dīvāñ ba-rang-e-bostāñ hai

ḳharīdār aa ke le jaate haiñ hasrat

mirī bāzār meñ taḳhta dukāñ hai

raqam kartā jo huuñ vasf-e-sar-e-zulf

zabān-e-mār ḳhāma kī zabāñ hai

na parvāne ko itnā bhī jalā sham.a

ye koī dam kā terā mehmāñ hai

charāġh-e-dāġh-e-dil goyā hai ḳhāmosh

mire ghar meñ ye aahoñ kā dhuāñ hai

uThūñ duniyā se maiñ dīvāna kyūñkar

nafas mānind-e-zanjīr-e-girāñ hai

sunā hai naam par dekhā nahīñ 'arsh'

mire nazdīk anqā qadr-dāñ hai

tera bimar aisa na-tawan hai

ki tan mein jaan bhi bar-e-garan hai

zi-bas hai josh-e-dagh-o-bahr-e-girya

samundar aur machhli to aman hai

gira dega tuDa kar tausan-e-umr

yahi tar-e-nafas ki gar inan hai

waraq hain rashk-e-auraq-e-gulistan

mera diwan ba-rang-e-bostan hai

KHaridar aa ke le jate hain hasrat

meri bazar mein taKHta dukan hai

raqam karta jo hun wasf-e-sar-e-zulf

zaban-e-mar KHama ki zaban hai

na parwane ko itna bhi jala shama

ye koi dam ka tera mehman hai

charagh-e-dagh-e-dil goya hai KHamosh

mere ghar mein ye aahon ka dhuan hai

uThun duniya se main diwana kyunkar

nafas manind-e-zanjir-e-giran hai

suna hai nam par dekha nahin 'arsh'

mere nazdik anqa qadr-dan hai