tera dil to nahin dil ki lagi hun

tirā dil to nahīñ dil kī lagī huuñ

tire dāman pe aañsū kī namī huuñ

maiñ apne shahr meñ to ajnabī thā

maiñ apne ghar meñ bhī ab ajnabī huuñ

kahāñ tak mujh ko suljhāte rahoge

bahut uljhī huī sī zindagī huuñ

ḳhabar jis kī nahīñ bāhar kisī ko

maiñ tah-ḳhane kī aisī raushnī huuñ

thakan se chuur tanhā soch meñ gum

maiñ pichhlī raat kī vo chāñdnī huuñ

mirā ye hashr bhī honā thā ik din

kabhī ik chīḳh thā ab ḳhāmushī huuñ

guzar kar nek-o-bad kī har galī se

sarāpā āgahī huuñ gumrahī huuñ

mirā ye huzniya is daur meñ hai

suḳhan to huuñ magar nā-guftanī huuñ

tera dil to nahin dil ki lagi hun

tere daman pe aansu ki nami hun

main apne shahr mein to ajnabi tha

main apne ghar mein bhi ab ajnabi hun

kahan tak mujh ko suljhate rahoge

bahut uljhi hui si zindagi hun

KHabar jis ki nahin bahar kisi ko

main tah-KHane ki aisi raushni hun

thakan se chur tanha soch mein gum

main pichhli raat ki wo chandni hun

mera ye hashr bhi hona tha ek din

kabhi ek chiKH tha ab KHamushi hun

guzar kar nek-o-bad ki har gali se

sarapa aagahi hun gumrahi hun

mera ye huzniya is daur mein hai

suKHan to hun magar na-guftani hun