tera KHayal mujhe is tarah pukarta hai
tirā ḳhayāl mujhe is tarah pukārtā hai
ki mandiroñ meñ koī aartī utārtā hai
hiloreñ letī hai kuchh is tarah tirī yādeñ
nadī meñ jaise koī kashtiyāñ utārtā hai
ḳhamoshiyoñ ke bichhaune pe shab ke pichhle pahar
tirā ḳhayāl na.ī aarzū ubhārtā hai
tirī vafāoñ ke mausam badalte rahte haiñ
mirī vafā kā chaman bas tujhe nihārtā hai
kuchh āhaTeñ sī kahīñ ho rahī haiñ dil ke qarīb
koī to hai jo mirī bazm-e-jāñ sañvārtā hai
mujhe to apne aqīdoñ kī puḳhtagī hai aziiz
nahīñ ye ḳhauf koī sar mirā utārtā hai
tera KHayal mujhe is tarah pukarta hai
ki mandiron mein koi aarti utarta hai
hiloren leti hai kuchh is tarah teri yaaden
nadi mein jaise koi kashtiyan utarta hai
KHamoshiyon ke bichhaune pe shab ke pichhle pahar
tera KHayal nai aarzu ubhaarta hai
teri wafaon ke mausam badalte rahte hain
meri wafa ka chaman bas tujhe nihaarta hai
kuchh aahaTen si kahin ho rahi hain dil ke qarib
koi to hai jo meri bazm-e-jaan sanwarta hai
mujhe to apne aqidon ki puKHtagi hai aziz
nahin ye KHauf koi sar mera utarta hai
- Book : Mujalla Dastavez (Pg. 556)
- Author : Aziz Nabeel
- Publication : Edarah Dastavez (2013-14)
- Edition : 2013-14
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
