tera KHayal tha lafzon mein Dhal gaya kaise
tirā ḳhayāl thā lafzoñ meñ Dhal gayā kaise
diloñ meñ sham-e-ġhazal ban ke jal gayā kaise
vo aadmī jo mirā dost thā zamāne tak
pata nahīñ ki yakāyak badal gayā kaise
bahut hī tez havā sher-e-hādsāt kī thī
maiñ girte girte na jaane sambhal gayā kaise
kahīñ bhī aag lagāne kā vāqi.a na huā
to phir huzūr makāñ merā jal gayā kaise
ḳhalish se jis kī thī vābasta yaad manzil kī
vo ḳhaar paañv se 'ḳhusrav' nikal gayā kaise
tera KHayal tha lafzon mein Dhal gaya kaise
dilon mein sham-e-ghazal ban ke jal gaya kaise
wo aadmi jo mera dost tha zamane tak
pata nahin ki yakayak badal gaya kaise
bahut hi tez hawa sher-e-hadsat ki thi
main girte girte na jaane sambhal gaya kaise
kahin bhi aag lagane ka waqia na hua
to phir huzur makan mera jal gaya kaise
KHalish se jis ki thi wabasta yaad manzil ki
wo KHar panw se 'KHusraw' nikal gaya kaise
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
