tere baghair gul-o-nastaran pe kya guzri

tire baġhair gul-o-nastaran pe kyā guzrī

na pūchh ab ke bahār-e-chaman pe kyā guzrī

ma.āl-e-jur.at-e-mansūr kuchh sahī lekin

savāl ye hai ki dār-o-rasan pe kyā guzrī

hamīñ to haiñ ki jo barq-o-sharar se khele haiñ

hamīñ se pūchh rahe ho chaman pe kyā guzrī

qafas meñ aaj ye kaise charāġh raushan haiñ

ilāhī ḳhair na jaane chaman pe kyā guzrī

pahuñch ke manzil-e-maqsad pe ye bhī socheñge

ki shab-ravī meñ dil-e-rāhzan pe kyā guzrī

mujhe shikast-e-nasheman kā ġham nahīñ lekin

ye sochtā huuñ ki ahl-e-chaman pe kyā guzrī

taraqqīyāñ to zamāne ne kiiñ bahut 'arshad'

magar batāo to arbāb-e-fan pe kyā guzrī

tere baghair gul-o-nastaran pe kya guzri

na puchh ab ke bahaar-e-chaman pe kya guzri

maal-e-jurat-e-mansur kuchh sahi lekin

sawal ye hai ki dar-o-rasan pe kya guzri

hamin to hain ki jo barq-o-sharar se khele hain

hamin se puchh rahe ho chaman pe kya guzri

qafas mein aaj ye kaise charagh raushan hain

ilahi KHair na jaane chaman pe kya guzri

pahunch ke manzil-e-maqsad pe ye bhi sochenge

ki shab-rawi mein dil-e-rahzan pe kya guzri

mujhe shikast-e-nasheman ka gham nahin lekin

ye sochta hun ki ahl-e-chaman pe kya guzri

taraqqiyan to zamane ne kin bahut 'arshad'

magar batao to arbab-e-fan pe kya guzri