tere baghair nahin dekh jhank kar koi

tire baġhair nahīñ dekh jhāñk kar koī

ye dil vo dil thā ki jis kā nahīñ thā dar koī

batā de vahshatoñ kī fauj ko chalī jaa.e

batā de jā ke nahīñ yuuñ bhī aaj ghar koī

maiñ jā rahā huuñ fasīlo, darḳhto tasvīro

so tum meñ to nahīñ hai merā ham-safar koī

use kaho ki kisī ko tirī zarūrat hai

kaho ki jāgtā rahtā hai rāt-bhar koī

ye dasht dasht nahīñ lag rahā mujhe 'e.azāz'

ki maiñ ne chhoḌī nahīñ us kī rahguzar koī

tere baghair nahin dekh jhank kar koi

ye dil wo dil tha ki jis ka nahin tha dar koi

bata de wahshaton ki fauj ko chali jae

bata de ja ke nahin yun bhi aaj ghar koi

main ja raha hun fasilo, darKHto taswiro

so tum mein to nahin hai mera ham-safar koi

use kaho ki kisi ko teri zarurat hai

kaho ki jagta rahta hai raat-bhar koi

ye dasht dasht nahin lag raha mujhe 'eazaz'

ki main ne chhoDi nahin us ki rahguzar koi