tere bimar ki shayad wida-e-jaan hai tan se

tire bīmār kī shāyad vidā-e-jān hai tan se

janāze kī vagarna vaañ hai tayyārī kā kyā baa.is

kahīñ vaqt-e-ḳhitāb ai yaar apne muñh se niklā thā

lagā kahne ki mujh meñ aap meñ yaarī kā kyā baa.is

marīz apne ko dekhā aah ḳhuuñ ālūda kyā kyā the

na thā gar dard dil meñ nāla-o-zārī kā kyā baa.is

nahīñ kuchh zor se letā koī dil do na do 'mamnūñ'

ye majbūrī kā kyā maujib ye nā-chārī kā kyā baa.is

mire siine meñ gar ātish-kada pinhāñ nahīñ zālim

fuġhān o aah se har dam sharar-bārī kā kyā baa.is

tasavvur chashm-e-ḳhūbāñ kā muqarrar tum ko rahtā hai

vagarna hazrat-e-dil itnī bīmārī kā kyā baa.is

huā jab kaam apnā kaam dil jab pūchhne aa.e

mujhe ġham khā chukā ab merī ġham-ḳhvārī kā kyā baa.is

ajab dīvāngī hai koī bhī yuuñ dil phañsātā hai

bahut daanā the tum 'mamnūñ' giraftārī kā kyā baa.is

tere bimar ki shayad wida-e-jaan hai tan se

janaze ki wagarna wan hai tayyari ka kya bais

kahin waqt-e-KHitab ai yar apne munh se nikla tha

laga kahne ki mujh mein aap mein yari ka kya bais

mariz apne ko dekha aah KHun aaluda kya kya the

na tha gar dard dil mein nala-o-zari ka kya bais

nahin kuchh zor se leta koi dil do na do 'mamnun'

ye majburi ka kya maujib ye na-chaari ka kya bais

mere sine mein gar aatish-kada pinhan nahin zalim

fughan o aah se har dam sharar-bari ka kya bais

tasawwur chashm-e-KHuban ka muqarrar tum ko rahta hai

wagarna hazrat-e-dil itni bimari ka kya bais

hua jab kaam apna kaam dil jab puchhne aae

mujhe gham kha chuka ab meri gham-KHwari ka kya bais

ajab diwangi hai koi bhi yun dil phansata hai

bahut dana the tum 'mamnun' giraftari ka kya bais