tere dayar talak yun to aa hi jate hain

tire dayār talak yuuñ to aa hī jaate haiñ

ye aur baat tasavvur meñ jī jalāte haiñ

mirī udaas nazar kā ḳhayāl hai varna

use to chāñd sitāre bahut bulāte haiñ

tamām umr bhaTakte rahe jo sahrā meñ

unheñ ye vahm ki vo rāsta dikhāte haiñ

sitam kī bhiik sahī dostoñ kā tohfa hai

baḌī ḳhushī se ye ehsān ham uThāte haiñ

hamārī nazroñ kī pākīzgī salāmat hai

isī kamāl pe duniyā ko ham jhukāte haiñ

ye karbalā hai to ab lauT kar kahāñ jaa.eñ

tamām rāste apne yahīñ pe aate haiñ

use jo mansab-o-jāh-o-jalāl pyārā hai

to ham bhī kāsa-e-tohmat kahāñ uThāte haiñ

tere dayar talak yun to aa hi jate hain

ye aur baat tasawwur mein ji jalate hain

meri udas nazar ka KHayal hai warna

use to chand sitare bahut bulate hain

tamam umr bhaTakte rahe jo sahra mein

unhen ye wahm ki wo rasta dikhate hain

sitam ki bhik sahi doston ka tohfa hai

baDi KHushi se ye ehsan hum uThate hain

hamari nazron ki pakizgi salamat hai

isi kamal pe duniya ko hum jhukate hain

ye karbala hai to ab lauT kar kahan jaen

tamam raste apne yahin pe aate hain

use jo mansab-o-jah-o-jalal pyara hai

to hum bhi kasa-e-tohmat kahan uThate hain