tere dil mein samana chahta hun

tire dil meñ samānā chāhtā huuñ

tujhe apnā banānā chāhtā huuñ

tirī āñkheñ haiñ yā koī samundar

maiñ in meñ Duub jaanā chāhtā huuñ

kabhī hoñToñ pe aa tū giit ban kar

maiñ tujh ko gungunānā chāhtā huuñ

tire nazdīk aanā hai so pahle

maiñ ḳhud se duur jaanā chāhtā huuñ

kabhī ḳhvāboñ se mere rū-ba-rū aa

tujhe dul.han banānā chāhtā huuñ

tū hai ki raat banñā chāhtī hai

maiñ tujh ko din banānā chāhtā huuñ

tū apne dil kī galiyoñ ko sajā le

maiñ in meñ ānā-jānā chāhtā huuñ

jise mumkin nahīñ ho joḌ paanā

maiñ itnā TuuT jaanā chāhtā huuñ

mujhe tū ishq meñ pāgal banā de

maiñ thoḌā muskurānā chāhtā huuñ

ye kuchh TuuTe diye haiñ paas mere

inheñ sūraj banānā chāhtā huuñ

hasīñ ik sher hai 'rizvān' vo koī

ġhazal us ko banānā chāhtā huuñ

tere dil mein samana chahta hun

tujhe apna banana chahta hun

teri aankhen hain ya koi samundar

main in mein Dub jaana chahta hun

kabhi honTon pe aa tu git ban kar

main tujh ko gungunana chahta hun

tere nazdik aana hai so pahle

main KHud se dur jaana chahta hun

kabhi KHwabon se mere ru-ba-ru aa

tujhe dulhan banana chahta hun

tu hai ki raat banna chahti hai

main tujh ko din banana chahta hun

tu apne dil ki galiyon ko saja le

main in mein aana-jaana chahta hun

jise mumkin nahin ho joD pana

main itna TuT jaana chahta hun

mujhe tu ishq mein pagal bana de

main thoDa muskurana chahta hun

ye kuchh TuTe diye hain pas mere

inhen suraj banana chahta hun

hasin ek sher hai 'rizwan' wo koi

ghazal us ko banana chahta hun