tere ehsas ko chhu kar laga hai

tire ehsās ko chhū kar lagā hai

tū mere paas hai aksar lagā hai

havā.eñ tak mo'attar haiñ vahāñ kī

jahāñ bhī 'ishq kā mimbar lagā hai

qarār aa.egā mere jism ko ab

mirā kāñToñ-bharā bistar lagā hai

miTā Daalā ḳhud apne aap ko tab

mohabbat meñ mirā number lagā hai

ahāta kar nahīñ paayā maiñ us kā

vo merī soch ke bāhar lagā hai

du'ā.eñ bāñTtā hai har kisī ko

shahanshāhoñ se vo baḌh kar lagā hai

'adīb' aa jaa.e na ḳhushiyoñ kā sūraj

shab-e-ġham ko isī kā Dar lagā hai

tere ehsas ko chhu kar laga hai

tu mere pas hai aksar laga hai

hawaen tak mo'attar hain wahan ki

jahan bhi 'ishq ka mimbar laga hai

qarar aaega mere jism ko ab

mera kanTon-bhara bistar laga hai

miTa Dala KHud apne aap ko tab

mohabbat mein mera number laga hai

ahata kar nahin paya main us ka

wo meri soch ke bahar laga hai

du'aen banTta hai har kisi ko

shahanshahon se wo baDh kar laga hai

'adib' aa jae na KHushiyon ka suraj

shab-e-gham ko isi ka Dar laga hai