tere fareb mein duniya main aane wala nahin

tire fareb meñ duniyā maiñ aane vaalā nahīñ

so dhyān terī taraf merā jaane vaalā nahīñ

maiñ muntazir huuñ kisī shoḳh-rang lamhe kā

mujhe pata hai ki lamha vo aane vaalā nahīñ

mujhe farishtoñ kī sohbat meñ bas yahī ġham hai

ki in meñ koī mirā dil dukhāne vaalā nahīñ

kiyā hai dafn use dil kī qabr meñ maiñ ne

vo naam ab mire hoñToñ pe aane vaalā nahīñ

havā zamāne kī tum ko na raas aa.egī

tumhārā rang mirī jaañ zamāne vaalā nahīñ

ajiib logoñ kī bastī hai ye 'vasīm' yahāñ

kisī kā bojh koī bhī uThāne vaalā nahīñ

tere fareb mein duniya main aane wala nahin

so dhyan teri taraf mera jaane wala nahin

main muntazir hun kisi shoKH-rang lamhe ka

mujhe pata hai ki lamha wo aane wala nahin

mujhe farishton ki sohbat mein bas yahi gham hai

ki in mein koi mera dil dukhane wala nahin

kiya hai dafn use dil ki qabr mein main ne

wo nam ab mere honTon pe aane wala nahin

hawa zamane ki tum ko na ras aaegi

tumhaara rang meri jaan zamane wala nahin

ajib logon ki basti hai ye 'wasim' yahan

kisi ka bojh koi bhi uThane wala nahin