tere hi ghar se uThe teri rah se guzre

tire hī ghar se uThe terī raah se guzre

vo hādsāt jo merī nigāh se guzre

mujhe ḳhabar nahīñ kis tarah koī jiitā hai

ye un se pūchh jo hāl-e-tabāh se guzre

jo mere haal pe hañstā hai dekh kar mujh ko

ḳhudā kare vo tirī jalva-gāh se guzre

jise yaqīñ nahīñ aatā mirī vafāoñ kā

vo ek din to mohabbat kī raah se guzre

zamāna ro.egā sun sun ke dāstāñ un kī

jo inqalāb ki merī nigāh se guzre

vo dekh saktā hai jalvoñ kā tere ā.īna

jo mere dil se jo merī nigāh se guzre

tere hi ghar se uThe teri rah se guzre

wo hadsat jo meri nigah se guzre

mujhe KHabar nahin kis tarah koi jita hai

ye un se puchh jo haal-e-tabah se guzre

jo mere haal pe hansta hai dekh kar mujh ko

KHuda kare wo teri jalwa-gah se guzre

jise yaqin nahin aata meri wafaon ka

wo ek din to mohabbat ki rah se guzre

zamana roega sun sun ke dastan un ki

jo inqalab ki meri nigah se guzre

wo dekh sakta hai jalwon ka tere aaina

jo mere dil se jo meri nigah se guzre