tere hi rahm-o-karam pe zinda tujhi se ghafil the umr bhar hum

tire hī rahm-o-karam pe zinda tujhī se ġhāfil the 'umr bhar ham

hamīñ ne yā-rab ye rah chunī thī to kyoñ na hote yuuñ dar-ba-dar ham

jahāñ ne Thukrā diyā ho jis ko vo phir bhalā kis ke dar pe jaate

tirī hī jānib thā lauT aanā so aa ga.e haiñ jhukā.e sar ham

jo yaad aa.iiñ ḳhatā.eñ apnī qusūr apne gunāh apne

jabīñ nadāmat se jhuk ga.ī hai hue haiñ ashkoñ se tar-ba-tar ham

na ham ko fariyād kā salīqa na iltijā kā shu'ūr maulā

tū apne mañgtoñ kī laaj rakh le haiñ sar-ba-sajda is aas par ham

tere hi rahm-o-karam pe zinda tujhi se ghafil the 'umr bhar hum

hamin ne ya-rab ye rah chuni thi to kyon na hote yun dar-ba-dar hum

jahan ne Thukra diya ho jis ko wo phir bhala kis ke dar pe jate

teri hi jaanib tha lauT aana so aa gae hain jhukae sar hum

jo yaad aain KHataen apni qusur apne gunah apne

jabin nadamat se jhuk gai hai hue hain ashkon se tar-ba-tar hum

na hum ko fariyaad ka saliqa na iltija ka shu'ur maula

tu apne mangton ki laj rakh le hain sar-ba-sajda is aas par hum