tere huzur agar mujh mein aajizi na rahe

tire huzūr agar mujh meñ ājizī na rahe

maiñ ro paḌūñ mire hoñToñ pe ye hañsī na rahe

the aap paas to phir bhī thā ḳhālī-pan koī

aur āj-kal to mire paas aap bhī na rahe

ḳhushī kī rut meñ koī hañsne vaalā mil na sakā

hamārī maut ke mauqe pe mātamī na rahe

mire ḳhayāl meñ mahshar kī ik alāmat hai

qalam kā qaht paḌe ghar meñ Diary na rahe

kuchh aise rañg se tartīb de zamāne ko

ḳhushī rivāj ho iḳhlās kī kamī na rahe

vabā kā ḳhauf hai aisā ki ḳhāna-e-rab meñ

parinde dekhe ga.e aur aadmī na rahe

tumhārā mujh se bichhaḌnā bhī aise hai 'abdul'

ki jaise qaht ke mausam meñ naukrī na rahe

tere huzur agar mujh mein aajizi na rahe

main ro paDun mere honTon pe ye hansi na rahe

the aap pas to phir bhi tha KHali-pan koi

aur aaj-kal to mere pas aap bhi na rahe

KHushi ki rut mein koi hansne wala mil na saka

hamari maut ke mauqe pe matami na rahe

mere KHayal mein mahshar ki ek alamat hai

qalam ka qaht paDe ghar mein Diary na rahe

kuchh aise rang se tartib de zamane ko

KHushi riwaj ho iKHlas ki kami na rahe

waba ka KHauf hai aisa ki KHana-e-rab mein

parinde dekhe gae aur aadmi na rahe

tumhaara mujh se bichhaDna bhi aise hai 'abdul'

ki jaise qaht ke mausam mein naukri na rahe