tere huzur na Khaali kisi ka jam raha

tire huzūr na ḳhālī kisī kā jaam rahā

vo ḳhush-nasīb to maiñ huuñ ki tishna-kām rahā

alam-nasīb rahā aur talḳh-kām rahā

magar fareb-e-mohabbat kā ehtirām rahā

sharāb-e-ishq se labrez jis kā jaam rahā

vo zindagī kī tag-o-dau meñ shād-kām rahā

mazāq-e-dīd sar-e-tūr tishna-kām rahā

tamām ho ke ye afsāna nā-tamām rahā

na sub.h-e-nūr kā jalva na kaif-e-shām rahā

balā-nasīb chaman meñ bhī zer-e-dām rahā

mujhe na dījiye ta.ane ki saḳht-jān huuñ maiñ

ye zindagī hai ki jiinā mujhe harām rahā

na raas aa.egī ai bāġhbāñ bahār ise

agar chaman kā yahī ruḳh yahī nizām rahā

samajh sakegā mire zarf-e-bāda-ḳhvārī ko

jo mai-kade meñ kabhī shaiḳh kā qiyām rahā

ḳhud apne dil meñ tajallī ko pā liyā ham ne

kalīm-e-tūr se afzal to ye maqām rahā

vafā-shi.ār nahīñ ham magar qusūr muaaf

vo kaun hai sar-e-fihrist jis kā naam rahā

tere huzur na KHali kisi ka jam raha

wo KHush-nasib to main hun ki tishna-kaam raha

alam-nasib raha aur talKH-kaam raha

magar fareb-e-mohabbat ka ehtiram raha

sharab-e-ishq se labrez jis ka jam raha

wo zindagi ki tag-o-dau mein shad-kaam raha

mazaq-e-did sar-e-tur tishna-kaam raha

tamam ho ke ye afsana na-tamam raha

na subh-e-nur ka jalwa na kaif-e-sham raha

bala-nasib chaman mein bhi zer-e-dam raha

mujhe na dijiye tane ki saKHt-jaan hun main

ye zindagi hai ki jina mujhe haram raha

na ras aaegi ai baghban bahaar ise

agar chaman ka yahi ruKH yahi nizam raha

samajh sakega mere zarf-e-baada-KHwari ko

jo mai-kade mein kabhi shaiKH ka qiyam raha

KHud apne dil mein tajalli ko pa liya hum ne

kalim-e-tur se afzal to ye maqam raha

wafa-shiar nahin hum magar qusur muaf

wo kaun hai sar-e-fihrist jis ka nam raha