tere ishq ne diya hai wo maqam-e-KHusrawana

tire ishq ne diyā hai vo maqām-e-ḳhusravāna

hai jahāñ junūñ haqīqat hai jahāñ ḳhirad fasāna

ye hanūz kah rahā hai sar-e-rāh ik divāna

koī jā ke un se kah de mirī arz-e-ḳhādimāna

vo rafū nazar se karnā mirī chāk-dāmanī ko

tirī aañkh ko milā hai ye hunar rafū-garāna

ye falak ke chāñd taare haiñ bujhe bujhe se saare

maiñ sunā rahā huuñ in ko shab-e-hijr kā fasāna

ye jabīñ machal rahī hai ki taḌap rahe haiñ sajde

mujhe kar rahī hai kāfir tirī chashm-e-qātilāna

tere ishq ne diya hai wo maqam-e-KHusrawana

hai jahan junun haqiqat hai jahan KHirad fasana

ye hanuz kah raha hai sar-e-rah ek diwana

koi ja ke un se kah de meri arz-e-KHadimana

wo rafu nazar se karna meri chaak-damani ko

teri aankh ko mila hai ye hunar rafu-garana

ye falak ke chand tare hain bujhe bujhe se sare

main suna raha hun in ko shab-e-hijr ka fasana

ye jabin machal rahi hai ki taDap rahe hain sajde

mujhe kar rahi hai kafir teri chashm-e-qatilana