tere jalwon ne sikha hai nazar ka pasban ho kar

tire jalvoñ ne sīkhā hai nazar kā pāsbāñ ho kar

'ayāñ honā nihāñ ho kar nihāñ honā 'ayāñ ho kar

ta'ajjub hai nasīb-e-‘ishq kī rūh-e-ravāñ ho kar

vo kyoñ zulmat pe haavī haiñ nigāhoñ se nihāñ ho kar

agar sayyād ne dekhā kabhī kuchh mehrbāñ ho kar

tamanna rah ga.ī taktī nasīb-e-dushmanāñ ho kar

sitam Dhāne lagī jab aarzū dil kī javāñ ho kar

rahī āThoñ pahar vahshat mohabbat kī ‘ināñ ho kar

butān-e-sho'la-rū kī sehr-sāmānī kā kyā kahnā

ḳhudā.ī kar rahe haiñ jān-e-musht-e-ustuḳhvāñ ho kar

tasavvur meñ liye baiThe haiñ jalvoñ kī amānat ko

nazar sab kī zamīñ par aa ga.ī hai āsmāñ ho kar

nazar kā said ho jaanā qarīn-e-‘aql thā lekin

ḳhabar kyā thī ki dil rah jā.egā nazr-e-butāñ ho kar

musalsal bevafā.ī par to ik 'ālam hai shaidā.ī

nahīñ un kī na jaane kyā ġhazab Dhā.egī haañ ho kar

bahar-sūrat matā'-e-'shād' hai nairangī-e-'ālam

ḳhizāñ chhā.ī bahār ho kar bahār aa.ī ḳhizāñ ho kar

tere jalwon ne sikha hai nazar ka pasban ho kar

'ayan hona nihan ho kar nihan hona 'ayan ho kar

ta'ajjub hai nasib-e-‘ishq ki ruh-e-rawan ho kar

wo kyon zulmat pe hawi hain nigahon se nihan ho kar

agar sayyaad ne dekha kabhi kuchh mehrban ho kar

tamanna rah gai takti nasib-e-dushmanan ho kar

sitam Dhane lagi jab aarzu dil ki jawan ho kar

rahi aaThon pahar wahshat mohabbat ki ‘inan ho kar

butan-e-sho'la-ru ki sehr-samani ka kya kahna

KHudai kar rahe hain jaan-e-musht-e-ustuKHwan ho kar

tasawwur mein liye baiThe hain jalwon ki amanat ko

nazar sab ki zamin par aa gai hai aasman ho kar

nazar ka said ho jaana qarin-e-‘aql tha lekin

KHabar kya thi ki dil rah jaega nazr-e-butan ho kar

musalsal bewafai par to ek 'alam hai shaidai

nahin un ki na jaane kya ghazab Dhaegi han ho kar

bahar-surat mata'-e-'shad' hai nairangi-e-'alam

KHizan chhai bahaar ho kar bahaar aai KHizan ho kar