tere jamal ki lau yaad kar raha hun main

tire jamāl kī lau yaad kar rahā huuñ maiñ

aur apne aap se fariyād kar rahā huuñ maiñ

samajh meñ aatā nahīñ kyā karūñ baġhair tire

ki apnī shaam bhī barbād kar rahā huuñ maiñ

mire jahāñ meñ to kuchh bhī rahā na thā baaqī

tire ḳhayāl se ābād kar rahā huuñ maiñ

jalā rahā huuñ barābar charāġh āñkhoñ ke

sitam nayā hai jo ījād kar rahā huuñ maiñ

ulajh gayā thā kisī roz-e-pur-malāl se maiñ

so zindagī ko hī buniyād kar rahā huuñ maiñ

tulā huā hai jahāñ kāTne ko par mere

so apne aap ko sayyād kar rahā huuñ maiñ

maiñ jāntā huuñ ka.ī mo'tabar havāloñ se

ye baat sach hai jo 'shahzād' kar rahā huuñ maiñ

tere jamal ki lau yaad kar raha hun main

aur apne aap se fariyaad kar raha hun main

samajh mein aata nahin kya karun baghair tere

ki apni sham bhi barbaad kar raha hun main

mere jahan mein to kuchh bhi raha na tha baqi

tere KHayal se aabaad kar raha hun main

jala raha hun barabar charagh aankhon ke

sitam naya hai jo ijad kar raha hun main

ulajh gaya tha kisi roz-e-pur-malal se main

so zindagi ko hi buniyaad kar raha hun main

tula hua hai jahan kaTne ko par mere

so apne aap ko sayyaad kar raha hun main

main jaanta hun kai mo'tabar hawalon se

ye baat sach hai jo 'shahzad' kar raha hun main