tere junun-e-mohabbat ka kaun mahram hai

tire junūn-e-mohabbat kā kaun mahram hai

abhī ḳhirad ke charāġhoñ meñ raushnī kam hai

taġhayyurāt kā markaz agarche aalam hai

na husn kam hai kahīñ se na dilkashī kam hai

na zindagī kī havas hai na maut kā ġham hai

tire firāq kā aalam ajiib aalam hai

ḳhudī kahāñ ki mohabbat meñ ab ye aalam hai

nahīñ hai qurb-e-dar-e-dost phir bhī sar ḳham hai

ye iztirāb ye tanhā.iyāñ ye soz-o-gudāz

shabāb ālam-e-tiflī kī shām-e-mātam hai

kise ye fikr hai 'nayyar' vafūr-e-mastī meñ

sharāb shīshe meñ kam hai ki zindagī kam hai

tere junun-e-mohabbat ka kaun mahram hai

abhi KHirad ke charaghon mein raushni kam hai

taghayyuraat ka markaz agarche aalam hai

na husn kam hai kahin se na dilkashi kam hai

na zindagi ki hawas hai na maut ka gham hai

tere firaq ka aalam ajib aalam hai

KHudi kahan ki mohabbat mein ab ye aalam hai

nahin hai qurb-e-dar-e-dost phir bhi sar KHam hai

ye iztirab ye tanhaiyan ye soz-o-gudaz

shabab aalam-e-tifli ki sham-e-matam hai

kise ye fikr hai 'nayyar' wafur-e-masti mein

sharab shishe mein kam hai ki zindagi kam hai