tere karam ka mere dasht pe jo saya hua

tire karam kā mire dasht pe jo saayā huā

mujhe lagā hī nahīñ maiñ bhī huuñ satāyā huā

vo tajrabāt kī had se nikal gayā aage

vo ek shaḳhs ki thā merā āzmāyā huā

kisī ke dast-e-hinā.ī kā lams raushan thā

koī charāġh na thā haath meñ chhupāyā huā

hamārā naam nahīñ hai hamārā zikr nahīñ

magar yahāñ se koī lafz hai miTāyā huā

maiñ kaise us se alag ho ke dekh saktā huuñ

kisī kā rañg rag-o-pai meñ hai samāyā huā

vo āfiyat hai jahāñ jī rahe haiñ barsoñ se

isī galī meñ hai paudā mirā lagāyā huā

havā chalī to safar sahl ho gayā 'at.har'

safīna thā kisī tūfāñ se Dagmagāyā huā

tere karam ka mere dasht pe jo saya hua

mujhe laga hi nahin main bhi hun sataya hua

wo tajrabaat ki had se nikal gaya aage

wo ek shaKHs ki tha mera aazmaya hua

kisi ke dast-e-hinai ka lams raushan tha

koi charagh na tha hath mein chhupaya hua

hamara nam nahin hai hamara zikr nahin

magar yahan se koi lafz hai miTaya hua

main kaise us se alag ho ke dekh sakta hun

kisi ka rang rag-o-pai mein hai samaya hua

wo aafiyat hai jahan ji rahe hain barson se

isi gali mein hai pauda mera lagaya hua

hawa chali to safar sahl ho gaya 'athar'

safina tha kisi tufan se Dagmagaya hua