tere karam ke sahaare kashid karta tha

tire karam ke sahāre kashīd kartā thā

maiñ kashtiyoñ ko kināre kashīd kartā thā

duā-ba-dast yatīmoñ kī laaj rakhne ko

vo āsmān se taare kashīd kartā thā

bil-āḳhirash vo mujhe ḳhuld meñ nazar aaya

maiñ naqsh-e-pā ke nazāre kashīd kartā thā

shikasta-pā thā magar pyaas thī so apnī samt

maiñ ābshār ke dhāre kashīd kartā thā

mujhe duā-e-shifā yaad thī so merā dil

jo dil the dard ke maare kashīd kartā thā

musavvirān mī ḳhvāhañd bai'at-e-yad-e-man

tire nuqūsh maiñ saare kashīd kartā thā

ajiib sahrā thā kartā thā aable ījād

phir un pe paañv hamāre kashīd kartā thā

tere karam ke sahaare kashid karta tha

main kashtiyon ko kinare kashid karta tha

dua-ba-dast yatimon ki laj rakhne ko

wo aasman se tare kashid karta tha

bil-aKHirash wo mujhe KHuld mein nazar aaya

main naqsh-e-pa ke nazare kashid karta tha

shikasta-pa tha magar pyas thi so apni samt

main aabshaar ke dhaare kashid karta tha

mujhe dua-e-shifa yaad thi so mera dil

jo dil the dard ke mare kashid karta tha

musawviran mi KHwahand bai'at-e-yad-e-man

tere nuqush main sare kashid karta tha

ajib sahra tha karta tha aable ijad

phir un pe panw hamare kashid karta tha