tere KHayal ke aaine mein utar rahe hain

tire ḳhayāl ke ā.īne meñ utar rahe haiñ

tujhe ḳhabar hai nayā rañg tujh meñ bhar rahe haiñ

simaT rahe haiñ kabhī apne hosh ke andar

gubār-e-vahm kī sūrat kabhī bikhar rahe haiñ

ye haal hai ki nahīñ kuchh bhī hai ḳhabar apnī

magar ye zo.am ki taz.īn-e-zāt kar rahe haiñ

na jal ke raakh hue haiñ na aag bhaḌkī hai

na pūchh kaise marāhil se ham guzar rahe haiñ

khule haiñ rāz-e-nihāñ raat dil pe kuchh aise

ki bolne meñ bhī ab ehtiyāt kar rahe haiñ

havā meñ zahr kī yuuñ ho ga.ī hai āmezish

ki saañs lete hue bhī havā meñ Dar rahe haiñ

ġhalat ki tujh ko ḳhayāloñ meñ bāñdh rakkhā hai

ye baat sach hai ki ham tujh se be-ḳhabar rahe haiñ

ye intizār abhī ḳhatm hone vaalā nahīñ

ḳhabar kisī ne ye dī hai ki vo sañvar rahe haiñ

qubūl apnī duā bhī nahīñ huī 'yāvar'

yahī nahīñ mire naale bhī be-asar rahe haiñ

tere KHayal ke aaine mein utar rahe hain

tujhe KHabar hai naya rang tujh mein bhar rahe hain

simaT rahe hain kabhi apne hosh ke andar

gubar-e-wahm ki surat kabhi bikhar rahe hain

ye haal hai ki nahin kuchh bhi hai KHabar apni

magar ye zoam ki tazin-e-zat kar rahe hain

na jal ke rakh hue hain na aag bhaDki hai

na puchh kaise marahil se hum guzar rahe hain

khule hain raaz-e-nihan raat dil pe kuchh aise

ki bolne mein bhi ab ehtiyat kar rahe hain

hawa mein zahr ki yun ho gai hai aamezish

ki sans lete hue bhi hawa mein Dar rahe hain

ghalat ki tujh ko KHayalon mein bandh rakkha hai

ye baat sach hai ki hum tujh se be-KHabar rahe hain

ye intizar abhi KHatm hone wala nahin

KHabar kisi ne ye di hai ki wo sanwar rahe hain

qubul apni dua bhi nahin hui 'yawar'

yahi nahin mere nale bhi be-asar rahe hain