tere naqsh-e-pa hon jis mein wo Dagar kahan se laun

tire naqsh-e-pā hoñ jis meñ vo Dagar kahāñ se lā.ūñ

ho hamesha saath terā vo safar kahāñ se lā.ūñ

koī aish hai davāmī na qarār koī daa.em

na ho jis kī shaam koī vo sahar kahāñ se lā.ūñ

vo ḳhudī kahāñ se lā.ūñ tire jabr ko jo toḌe

tah-e-teġh sar jhukā de maiñ vo sar kahāñ se lā.ūñ

pare āsmāñ se pahuñchūñ yahī aarzū hai lekin

vo taḌap kahāñ se lā.ūñ maiñ vo par kahāñ se lā.ūñ

dar-e-dilrubā pe 'jauhar' bhalā kaise pahuñchūñ āḳhir

maiñ shikasta-pā huuñ āshiq vo safar kahāñ se lā.ūñ

tere naqsh-e-pa hon jis mein wo Dagar kahan se laun

ho hamesha sath tera wo safar kahan se laun

koi aish hai dawami na qarar koi daem

na ho jis ki sham koi wo sahar kahan se laun

wo KHudi kahan se laun tere jabr ko jo toDe

tah-e-tegh sar jhuka de main wo sar kahan se laun

pare aasman se pahunchun yahi aarzu hai lekin

wo taDap kahan se laun main wo par kahan se laun

dar-e-dilruba pe 'jauhar' bhala kaise pahunchun aaKHir

main shikasta-pa hun aashiq wo safar kahan se laun